"CENTENARIO LA VOZ DEL TECLA. SEMANARIO CATÓLICO E INDEPENDIENTE. 1911- 2011". ÚLTIMO LIBRO DE TAMUXE

O último libro publicado por Tamuxe leva por título Centenario “La Voz del Tecla”. Semanario Católico e Independiente. 1911-2011. O prólogo é do historiador e profesor Joaquín Miguel Villa Álvarez.

Consta de 63 páxinas, ilustrado en branco e negro. Está editado pola Asociación Infomaxe e Muller Camiña con Nós. Neste traballo de investigación recóllense todos os datos da súa creación, os seus fundadores, correspondentes e colaboradores, ademais das súas actividades socio-histórico-xornalísticas.

Ler máis

LIBRO SOBRE OS MUÍÑOS DO PORTO EN VILAMEÁN

Sobre publicacións de libros, cabe lembrar o que, a propósito da restauración de cinco muíños, lles foi encargado a Juan Ramón Martínez Barbosa e a Xoán Martínez Tamuxe polo Concello de Tomiño (Delegación Municipal de Cultura).

O presente libro leva por título Muíños do Porto en fervenza. Patrimonio Etnográfico de Vilameán – Tomiño. A publicación foi editada pola Asociación Cultural Muíños do Porto.

Ten a presentación de Jesús Castiñeira Diz, naquel entón concelleiro de Cultura, Educación e Participación Veciñal. Conta con 66 páxinas, ilustradas a toda cor (máis de 50 fotografías), debuxos, etc.

O 7 de maio de 2011 presentouse oficialmente o libro en Vilameán, coa presenza -entre outros- dos autores, a alcaldesa de Tomiño, Sandra González, así como membros da Comunidade de Montes de Vilameán e da Asociación Cultural Muíños do Porto.

Ler máis

MEMORIA DE LEMBRANZA AO CABAQUEIRO 2011

Con motivo da anual Festa en homenaxe e lembranza dos cabaqueiros, xa na XXIV edición, Tamuxe publicou en 2011, a correspondente Memoria-crónica do pasado ano.

Consta de 45 páxinas. Ilustrada en branco e negro. Leva presentación de Charo Tabales Perozo, concelleira de Cultura do Rosal. Obradoiro para nenos/as. Participantes no II Campionato de Futbolín “Os Cabaqueiros”. Actos relixiosos. Lectura do pregón por José Manuel Bouzón, profesor e historiador (na imaxe).

Demostración cabaqueira: “taxicar cabacas e toupos a joucha”. Biografía do telleiro Vicente Fernández Álvarez. Vocabulario en verbo (Enciclopedia Galega Universal). Follaca da Jalleira (carta da aldea). Crónica en visita a telleiras de Galicia, etc.

Ler máis

PRESENTACIÓN DO SEGUNDO NÚMERO DA REVISTA CASTELLUM TYDE DO INSTITUTO DE ESTUDIOS TUDENSES

O 26 de febreiro de 2010 presentouse na Área Panorámica de Tui o segundo número da revista Castellum Tyde, do Instituto de Estudios Tudenses.

Interviron no acto, Clodio González Pérez, Silvia González Soutelo e Xoán Martínez Tamuxe, que foron un a un, desglosando e resumindo os temas desta nova publicación, que consta de 312 páxinas.

-Eliseo Alonso Rodríguez, por Xoán Martínez Tamuxe.

-Limpeza, documentación e reproducción de dúas estacións de gravados rupestres no Monte Tetón, Tomiño. Petroglifos de Portaxes e Real Seco. (Juan José Perles Fontao).

-O Casino Vello de Tui. Unha secuencia completa do Tude romano. (Juan José Perles Fontao).

-El mundo indígena y romano en la antigua provincia de Tui. Aproximación al tema. (Juan José Hidalgo Cuñarro).

-Aportación ao estudo da identificación, antigüidade e cristianización das primeiras parroquias da sede episcopal de Tui citadas no II Concilio de Braga no 572. (Xoán Martínez Tamuxe)

-Santa María de Bongoi. (Suso Vila).

-Los Milagros de San Telmo (1258). Introducción y transcripción. (Manuel Martínez Fernández).

-Milagros acaecidos después de la muerte del siervo de Dios y examinados por orden del obispo de Tuy D. Gil. Publicados ahora por primera vez.

-Traslados de las reliquias de San Pedro González Telmo en la Catedral de Tui. (Avelino Bouzón Gallego).

-Episcopologio Tudense. Don Luis Marliano (1517-1521) un Obispo de su tiempo. (Antonio Hernández Matías).

-La obra de Joâo Fagundes, un pintor-dorador de Braga, en la Catedral de Tuy. (Xavier Añoveros Trías de Bes).

-Resumen histórico de los conflictos surgidos entre Portugal y Galicia a ambos lados del río Miño. (Jaime Garrido Rodríguez).

-Notas sobre la invasión francesa en la antigua provincia de Tui. (Ernesto Iglesias Almeida).

-Proyección pastoral del obispo García Benito y la Invasión Francesa. (Jesús Casás Otero).

Ler máis

Novo libro: Memorial de la Granja y Ermita de Sanoane (S. Juan). Historia y tradición.

Portada do libro Memorial de la Granja y Ermita de Sanoane

Memorial de la Granja y Ermita de Sanoane (S. Juan). Historia y tradición. Este é o título dun dos últimos libros de Tamuxe, que leva un "A modo de presentación" de Charo Tabales Perozo, concelleira de Cultura do Rosal, así como a "Presentación y motivo", a cargo da adega Lagar de Fornelos. Por suposto, prólogo, da autoría de Joaquín Miguel Villa Álvarez, doutor en Historia Contemporánea e profesor do colexio dos PP Somascos de A Guarda. Este libro foi editado polo Concello do Rosal, coa colaboración da Deputación de Pontevedra e Lagar de Fornelos. Na dedicatoria lémbrase aos doutores e historiadores, M.I. D. Juan Domínguez Fontela e M. I. D. Jesús Gómez Sobrino, guardeses estudosos do Baixo Miño.

Nesta publicación, integrada por 103 páxinas, con máis dun cento de fotografías e debuxos, trátase da primeira cita histórica desta granxa con ermida, de San Xoán (Sanoane) no século XII, cando pertencía ao Mosteiro de Oia. Tamén da granxa rexida por un frade e posterior pertenza ao Hospital de San Marcos, da Guarda. Recóllese así mesmo a primeira cita do viño (un cultivo na Vila de Lordelo) no ano 1123, antes, por tanto, da fundación do Mosteiro de Oia, en 1137. Tamén se fai mención a esa zona mineira das Bornas, explotadas polos romanos no século III d. C. Lémbrase neste libro de Xoán Martínez Tamuxe a devoción e referencias de tradición e históricas á ermida de Santa María ou de Nosa Señora do Orto (San Miguel de Tabagón), así como que se dá a coñecer un apéndice documental das dúas ermidas aquí estudadas e os preitos existentes entre os abades de San Miguel e D. Antonio de Castro. R. Avalle, da nobreza galega (Nigrán).

Ler máis

Publicacións de Xoán Martínez Tamuxe

Entre as súas publicacións cómpre destacar:

-Vía romana “per loca marítima” por el Bajo Miño y Costa Atlántica (1975)
-Manifestaciones Rupestres en el Monte de Santa Tecla (1980)
-Citania y Museo Arqueológico de Santa Tecla (1983)
-Aportación al estudio de la típica esvástica del Alto Miño luso-galaico (1986)
-Antología (en colaboración con Xosé Carlos Gómez Alfaro, 1988)
-Contos de Manuel da Ventosela-edición crítica (1991)
-Nuestra Señora de la Salud: Historia, devoción y arte de San Juan de Tabagón (1993)
-Artístico Vía Crucis del Monte de Santa Tecla, obra del laureado escultor valenciano, Vicent Mengual (1994)
-La ermita de San Gregorio, su historia y tradicional feria-romería (1996)
-Parroquia de San Miguel de Vilasuso (en colaboración, 1996)
-D. Juan Domínguez Fontela, notable historiador e ilustre guardés (1998)
-Cruceiros, cruces e almiñas do Baixo Miño. I Concello do Rosal (1999)
-Parroquia de San Lorenzo de Salcidos: aproximación histórica (2001)
-O aceite en Galicia: guía das lagaretas castrexo-romanas, medievais e modernas (en colaboración, 2003)
-O Heraldo Guardés, a Imprenta Guttemberg e seu director José Darse (2004)
-Novos poemas de Manuel da Ventosela en galego e castelán (en colaboración, 2007)
-Memoria Histórica da capela da Madanela no Monte da Pedrada e vestixios dunha fortaleza (en colaboración, 2007)
-Santa Mariña de Baíña e o eremitorio de San Cosme (en colaboración, 2008)
-Os muíños do Folón e do Picón na vila do Rosal. Conxunto histórico-etnográfico de Galicia (en colaboración, 2009)

-Memorial de la Granja y Ermita de Sanoane (S. Juan). Historia y Tradición (2010)
-Muíños do Porto en fervenza, patrimonio etnográfico de Vilameán-Tomiño (en colaboración, 2011)
-La Voz del Tecla, semanario guardés. I Centenario da súa fundación (1911-2011).

Ler máis

Xoán Martínez Tamuxe. Información de contacto

Enderezo:

Xoán Martínez Tamuxe

Rúa Jesús Noya, nº 1

C.P.: 36770

O Rosal (Pontevedra)


Correo electrónico:
xoantamuxe@hotmail.com


Teléfono:
986 62 53 12

Ler máis

Biografía de Xoán Martínez Tamuxe

Seudónimo de Juan Bautista Martínez González. (O Rosal, 29-XI-1930). Historiador, arqueólogo e investigador. Cursou estudios eclesiásticos nos Seminarios Menor de Tui (Filosofía) e Maior de Vigo (Teoloxía) que rematou en 1960.

En 1974 matricúlase na Universidade de Santiago de Compostela na Facultade de Historia. Secularizouse en 1975-76. En 1977 traballa como secretario da Cámara Agraria Local da vila do Rosal. Por concurso de méritos a Delegación Provincial de Cultura, nomeouno en 1979 Garda-Encargado do Conxunto Histórico de Santa Trega e Conservador do Museo Arqueolóxico.

Premio Literario I Certame Xornalístico da Cidade de Tui (1973). Foi correspondente e colaborador dos xornais El Pueblo Gallego, La Hoja del Lunes, La Voz de Galicia, Faro de Vigo, A Peneira, etc., así como correspondente de Radio Popular de Vigo en Baiona.

Colaborador así mesmo das revistas do Museo de Pontevedra, Museo e Arquivo Histórico Diocesano de Tui, Pontevedra Arqueolóxica, Pregón e Soberosum de Ponteareas, etc. Dende 1987 é o director do Boletín Informativo Municipal do Rosal, así como da colección Memoria da Festa do Cabaqueiro.

En 1996 a Agrupación Cultural Guardesa dedicoulle o Día das Letras Galegas en homenaxe a súa traxectoria histórico-literaria no Baixo Miño.

Exerceu como profesor en colexios e academias de Ponteareas, A Guarda e Baiona. Cofundador do Equipo Arqueolóxico do Baixo Miño (1968), do Museo e Arquivo Histórico Diocesano de Tui (1974), da Biblioteca, Museo Etnográfico e Boletín Histórico Cultural do Concello do Rosal, así como do Instituto de Estudios de A Paradanta y Condado do Tea (2003).

É membro do Instituto Padre Sarmiento (Sección de Arqueoloxía) de Santiago de Compostela (1979), da Asociación Colegial de Escritores de España (1982), Grupo de Arqueoloxía Alfredo García Alén de Pontevedra (1983), membro colaborador do Departamento de Prehistoria da Universidade de Santiago (1984).

Durante máis de 10 anos (2007-2017) foi presidente do Instituto de Estudios Tudenses. 

En 2015, nunha homenaxe pública na súa vila natal, recibiu a insignia do Concello do Rosal "en recoñecemento pola súa labor histórica e de investigación da cultura rosaleira". 

En xullo de 2017 foi designado pregoeiro do Corpus Christi de Ponteareas (Festa de Interese Turístico Internacional). 

Ler máis

O Centro Social e Cultural de Baíña rematou o "Maio Cultural 2009" coa sardiñada anual

Recentemente visitamos Santa Mariña de Baíña, no concello de Baiona. Unha das poucas parroquias da diocese de Tui-Vigo que conta cunha publicación da súa historia. Esta leva por título Santa Mariña de Baíña e o eremitorio de San Cosme. A parroquia remóntase ao século XII. Dita publicación foi financiada pola Comunidade de Montes en colaboración do seu Centro Social e Cultural. Esta activa entidade tamén este ano tivo un amplo programa socio-deportivo-cultural. Nel desenro-láronse diferentes actividades ofertadas aos seus preto de 200 socios. Aquelas versaron sobre alfabetización, ximnasia, clases de tuna para novatos, sobre internet, aerobic, baile, actuación da tuna e grupos de teatro. Dentro do "Maio Cultural 2009" o Centro convidou aos seus socios e amizades o sábado 6 de xuño a "pasar un rato máis agradable todos xuntos degustando sardiñas con pan". Neste acto a presidenta do Centro, Almudena Leyenda Gómez, fixo entrega de valiosos obsequios (placas) aos responsables de varias actividades. Fixo a presentación dende o palco levantado na explanada do Centro, así como da entrega dos agasallos o popular baionés Pepe Costas Miniño. Esta típica sardiñada, hoxe na súa IV edición, estivo harmonizada pola actuación da agrupación folclórica "Airiños da Lagoa" de Baiona. Alí tivemos a oportunidade de saudar entre outros ao alcalde de Baiona e aos membros da Comunidade de Montes e do Centro Social e Cultural.

Ler máis